Tura, Sep 17, 2026: South Garo Hills a·jani Nokatgre-ni Gongjagre songko Budbar salo, Garo Hills Autonomous District Council (GHADC), song ine parakataha.Ua Gongjagre songara, Williamnagar-oni kilometer 24-mangsan chel·aiachim, indiba uan South Garo Hills a·jani ning·o ga·aka. Ua songara namen diltubegipa biapo ong·ani gimin namroro silroroaniko ra·bana gita maming dakchakanirangko man·jachim. Ua songo rama jal·lang aro bijolirangba dongkujachim.Indake ong·genchimoba da·o ua songko GHADC, song ine ra·chakangahani gimin ua songba dingtang dingtang office-rangni gita dakchakanirangko man·pagnok, ine ka·soenga.

Ua salo, 15-gipa Finance Commission-ni ning·o rikgipa songni community hall-ko, GHADC-ni Chief Executive Membor (CEM) Dhormonath Ch Sangma nokdonggae on·angaha aro ua community hall-ko nokdonggaanio, GHADC-ni Executive Membor I/c Rural Administration Cherak W Momin, EM I/c Forest Henen R Sangma, EM
I/c Transport Alphonsush R Marak, Executive Committee-ni Secretary Sam Ricardo R Marak aro ua songko namdapatna dakchakgipa, A·chik Heritage Pursuits (AHP)-ni membor-rangba dongpae bak ra·angaha.

Ua songo GHADC-ni gita toilet dambriko rike on·aha.World Environment Day-ko manianio ua songo, GHADC-ni Secretary Sam Ricardo R Marak-ni dilanichi, gitcham a·barango pang 3000 komila chararangko ge·angaha.Indake, Gongjagre-ko song ine parakani somoio GHADC-ni CEM Dhormonath Ch Sangma aganprakengon, ia songko GHADC ra·chakahani gimin, da·ode ia songo namroro silroroaniko ra·bana aro manderangna janggi tangani cholrangko on·na kamko ka·gnok ine ku·rachakangaha.Ua songni nitogipa buring bolgrimrangko aro chiring chibisikrangko ripingchina gitaba Sangma didiangaha.