Ampati, July 2, 2026: South West Garo Hills a·jao donggipa, Ampati-oni Salmanpara gita Purakasia-ona re·gipa ramako ta·rake taridape on·china mol·mole, Salmanpara Okchokgre songni Salibirth Sangma, South West Garo Hills a·jani Deputy Commissioner (DC)-na July 1 tariko lekka sedoataha.

Salibirth Sangma-ni DC-na seatgipa chittio janapatani gitade, Ampati-oni Salmanpara gita re·gipa black topping on·gimin ba repigimin rama nosto ong·ahani gimin, ta·rake taripile on·china DC-ko mol·molangaha.

South West Garo Hills a·jao songdongenggipa manderang, salanti Salmanpara-oni Ampati-ona, Salmanpara-oni Purakasia-ona dingtang dingtang nanga kamrangna re·ruraenggipa manderang, mongsongbate Skul chatro chatrirang aro hajira kam ka·e cha·enggipa manderang, rama namjani a·sel re·a doanio namen neng·nikaniko man·enga ine, Sangma janapataha.

Uni gimin songni nokni namgnina chanchie, district authority-rang aro PWD department-ni officer-rang ta·rake taripile on·genchimode, jolni manderangna dakchakbeani ong·genchim aro ramao a·sel ong·gnirangba naljokani ong·gen ine Salibirth Sangma mol·molataha.