Tura, Jul 2: Meghalaya a·dok gimikon, Electoral Roll-rangko nipiltaina Special Intensive Revision (SIR)-ko June 30 tarikoni, Booth Level Officer (BLO)-rang, nokantiona re·e, Enumeration Form-rangko sualna a·bachengatahani gimin, Bristibar salo, West Garo Hills a·jani District Election Officer DEO), SIR-ni bidingo talate on·na gita, dingtang dingtang political dolni dilgiparang baksa Tura DRDA Conference Hall-o tom·aniko ong·atangaha.

Ia tom·aniko, West Garo Hills a·jani Deputy Commissioner (DC) aro District Election Officer (DEO) Vibhor Aggarwal dilangaha. Indake tom·anio, Electoral Roll-ni Observer, Rikse R Marak, ERO-rang aro AERO-rang dongpae bak ra·angaha.

Ia tom·aniko ong·atani bidingo political dolrangna talate on·angengon, SIR-ni kamrangna political dolrangni Booth Level Agent (BLA)-rangkoba ra·ahani gimin, SIR-ko ka·anio dakna nanggni aro nanggijanirangko talate on·angaha ine Deputy Commissioner parakataha.

Electoral Roll-rangko SIR ka·anio, bakrimaniko on·china gitaba, DC political dolrangko aro a·jao songdongenggipa manderangko didiangaha.

7om·anio, Electoral Roll-ni Observer Rikse R Marak-ba jinmana aganprakengon, SIR-ko dakanio, ERO aro AERO-rangna tikatgimin kamrangko name chu·sokatna nangengani gimin, bakrimaniko on·pachina didiangpaaha.