By:ghdnews.in

Shillong, March 16, 2026: GHADC eleksinko jadokna ra·doatahani gimin, Garo Hills Autonomous District Council (GHADC)-ni CEM Pa Albinush R Marak CEM-ni kamko watani ja·man, ruling dolni Executive Committee, March 16 tarik Sombar salo tom·e chanchirimaniko dakenba, Naguapara elakkani MDC Pa Dormonath Ch. Sangma-ko GHADC-ni gital CEM-na seokaha. GHADC-ni gital CEM-ko seokanina GHADC-ni ruling aro Opposition dolni MDC-rang kusi ong·aniko parakatenba, A·chik jatni nangnikenggipa, ST Certificate-ko man·a dipet jadokni gisepon chu·sokatchina gital CEM-ko didiangtokaha.

GHADC-ni gital CEM-ko seokanina a·dokni Skotong Minister Pa Conrad K.Sangma-ba kusi ong·e, gital CEM-na nama sikaniko on·atan, baksa uni CEM ong·e dilanichi GHADC-ko bilakdapatna aro Garo Hills-ni manderangna namgniko aro namdaproato
aniko ra·bana man·gen ine ka·donganiko parakataha.