Shillong, March 6, 2026: Re·baenggipa GHADC eleksino susana gita NPP tikitna dorgasto galgipa sak 5 candidate-rangni bimingrangko NPP gnigipa list-o parakataha.

Skanggipa list-o NPP sak 24 candidate-rangni bimingrangko parakataha, da·o gnigipa list-o sak 5 candidate-rangni bimingrangko parakatenba, chu·gimik ge 29 GHADC seat-rango susana gita NPP tarissamsoenga, ine NPP-ni State President Preston Tynsong parakataha.

Gnigipa list-o parakatgipa sak 5 candidate-rangara 3-Silkigre elakkao Jangseng R.Marak, 4-Rongrikkimgre elakkao Walbinath Ch.Marak, 11-Boldamgre elakkao Stevie M.Marak, 20-Raksamgre elakkao Sengko D.Sangma aro 21-Naguapara elakkao Dormonat Ch.Sangma.