Shillong, March 5, 2026:: Re·baenghioa April 10 tariko ong·atenggipa Garo Hills Autonomous District Council (GHADC) election-o susana gita Bharatiya Janata Party (BJP), skanggipa list-o sak 19 candidate-rangko parakataha.

GHADC election-o BJP doloni susana sienggipa sak 19 candidate-rangara, Tura-ni MDC Bernard N Marak, Siju constituency-na Mark Pantora M Sangma aro Barengapara constituency-na Akki A Sangma, jean BJP-ni State President Rikman G Momin-ni depante ong·achim. Amongpara GHADC constituency-na Wilnath T Sangma, Dengnakpara-na Repsin M Sangma, Boldamgre-na Drojil D Sangma, Nogorpara-na Salibirth M Sangma, Zikzak-na Bhupendra Hajong, Betasing-na Hiralal Koch, Rochonpara-na Jeberth M Sangma, Balachanda-na Rikse K Marak, Batabari-na Clement Marak, Shyamnagar-na John Keats Sangma, Naguapara-na Rahinath Barchung, Rongrong-na Barning Marak, Bolsong-na Sengpan K Marak, Damas-na Bikash G Momin, Kharkutta-na Sengsrang R Marak aro Samandagre constituency-na Charles T Sangma ong·a.

Ia skanggipa list-o parakatgipa sak 19 candidate-rangko BJP-ni State Election Committee ra·chakmanaha, ine BJP-ni State General Secretary Wankitbok Pohshna parakataha.