Williamnagar, August 29, 2026: Garo Students Union (GSU) Eastern Zone, Williamnagar Civil Hospital-ni Specialist (O&G) Dr. Vince Chimpoo M Momin-ko Baghmara Civil Hospital-ona rang·gitik Transfer ka·anina suk ong·gijaniko parakataha.

GSU-ni parakatani gitade, Dr. Vince Chimpoo M Momin bang·a nangchongmotgipa Surgery ka·anirangko East Garo Hills-o dangdike on·engachim, skango jerangkon, Tura aro gipin biaprangchi ra·ange sana banna nangachim. Uarangko Williamnagar Civil Hospital-on sanna gita man·ahachim. Indiba da·o uko rang·gitik kam ra·jitanganichi, East Garo Hills-o songdongenggipa manderangna dal·bea gimaani ong·aha. Mongsongbate songadam nokadamni tangka paisani gita bilgrigipa manderangna namen dakchakbeani ong·achim.

Dr Momin-ko rang·gitik transfer ka·ani bidingo manderang dingtang dingtang chanchianirang aro sing·anirang ong·kataha. Saksa Senior ong·gipa aro changgipa sapgipa Doctor-ko transfer ka·engon sakgipin, Senior ong·gipa Doctor dongachimma.? Saksa Senior aro Experience ong·gipa Doctor-ko transfer ka·e, sakgipin Junior Doctor-ko rimbaskaaniara, maiba draatani a·sel ong·ama, ma iara administrative arrangement-sa ong·ama.
Saksa Senior aro Experience Doctor ong·e, jean manderangna dangdike on·engachim. Uko kam ra·jitangani jaman, Williamnagar Civil Hospital-o Experience Doctor-rang dongjani a·sel neng·nikanirangko man·jawama, ine GSU Eastern Zone, sing·doatataha.

GSU iani bidingo nipiltaianiko dakchina dabiengon, sakgipin doctor Dr. Chibame Ivory M Sangma, Junior Specialist (Diploma O&G)-ko Dr. Vince Chimpoo M Momin-ni palo re·baskaengon, uko chone ra·na miksongani dongja, indiba mande ra·ani gnangsa, manderangni namgnina, Williamnagar Civil Hospital-o Senior aro Experience Doctor-ko nangchongmotenga ine miksonganiosa diabienga ine parakataha.

Iani bidingo GSU Eastern Zone, Health & Family Welfare Department-ni Commissioner & Secretary-ko aro gipin bil gnanggipa officer-rangko East Garo Hills-o songdongenggipa manderangni namgnina aro sana bananiko pangnan nambatna nanga ine didiatan baksa Dr. Vince Chimpoo M Momin-ko biaptangon donpilchina aro Transfer Order-ko nipiltaichina dabiangaha.