Shillong, Nov 21, 2026: Chang 4-gipa Indian Responsible Tourism Summit & Awards 2026-o Meghalaya Chapter-ni Sustainable Leadership Travel Enterprises gadango South Garo Hills a·jani Baghmara Campers Gold-ko man·aha.

Mark Pantora M. Sangma-ni South Garo Hills a·jani Baghmara-o pangchake chalaienggipa Enterprise-ko Sustainable Tourism, ba samtangtango donggipa buring bolgrimrangko rakkianina aro Garo Hills-o dingtang dingtang biapni manderangko bak ra·atna man·anina mingsinggipa ong·a.

Baghmara Campers-ni kamrangchi jolo ong·telaigipa aro nitogipa biaprangko, manderangni dakbewalrangko mesokenga aro Garo Hills-o Tourism-ni bilko manderangna u·iatenga. Ian a·gilsakni nitogipa biaprangko rakkiani aro manderangni namgnina kam ka·aniko mesokani ong·a.

Ia Award-ko man·anian South Garo Hills a·jana dal·begipa chu·sokani ong·aha aro Meghalaya-ko Sustainable Tourism-ni biap dake u·iatna Grassroots Tourism Enterprise-rangni on·gilaniko mesokaha. Iandakgipa Award-ko man·anichi South Garo Hills-na namen rasong chabeani aro katchaani ong·aha.