GHD News

ghdnews.in

Tura, Oct 29, 2025: North Garo Hills a·jani Bajengdoba Pulis Station-ni pulisrang motor cycle cha·uronggipa mandeko rim·ahachim, indiba bail man·ani ja·mano, ML 08K-7065 TVS Ronin motor cycle-ko Tura, Fancy Valley-oniko cha·utaiahani gimin ua apsan mandekon Tura Pulisrang rim·taiaha. Rim·a man·gipa mandeara Jamesmond K. Marak ong·achim.

Ua mandeni bidingo am·sandion, sepangjolo donggipa CCTV-oniko nikaha aro ua mandeara North Garo Hills a·jani Balsrigittim songoni ong·a ine u·ina man·aha. Uani bidingo Bajengdoba aro Kachikgra joloniko sandion, North Garo Hills Pulisrang October 27 tariko rim·na man·aha ine Pulis official parakataha.

Ua mande West Garo Hills a·jaoniko gari cha·oanio ming 20 mangna baten mamlarango jak donga aro bang·a changon, Pulisrang uko rim·na man·aha. Indiba uko bail ra·e watatpilaha, indake ong·genchimoba, motor cycle cha·otaiahanina Tura Pulis uko rim·skaaha ineba u·iataha.

Indake ua mandeni kosako, case no. 119/2025 U/S 112(2)/303(2) BNS, 2023-o pangchake Tura Pulis Station-o mokordomako segataha aro Monggolbar salo uko Court-o mikkang pa·ataha.