GHD News

ghdnews.in

Shillong, Oct 29, 2025: Social Media-rang gita me·chik damberangko mikcha-ka·saa dake aro bi·a ka·na ku·mikrachakmika dake gipin a·dokrangona rimange badingsrukgipa mongsonggipa mandeangko Meghalaya Pulis rim·na man·aha.

Pulisrang me·chik rim·sruke palbadinganio mongsonggipa dilgipa Rajesh Hinge, Md. Khalil Ali aro Monika Rabha-ko rim·aha. Ia 2025 bilsini June jao Byrnihat-ni me·chik saksa gimaaoni ua mamla a·bachengaha. Ja·mano ua gimagipa me·chikko Rajasthan a·dokoniko man·pilaha, ua me·chikko gong lak 3-na palate mande saksako bia ka·china draaha.

Rajasthan pukisni dakchakachi ua me·chikko jokatna man·aha aro am·sandianio rim·a man·gipa manderang batanggipa bilsi 2-ni gisepo Assam-oni sak 5 aro Tripura-oni sak 1 me·chikrangko palataha ine u·ina man·aha.

Ri-Bhoi a·jani SP Vivekanand Rathore, ua badingsrukgipa dolrang facebook-rang aro Instagram-rango me·chikrang baksa ripeng dake, uamangko gipin a·dokrangchi songredilna rope chpe, uamangko pale cha·enga ine u·iataha.

Indake ong·engon, ma·a paa aro bi·sarangko online ong·anio simsakchina ku·pattianiko on·atenba, u·igijagipa link-rang ba App-rangko skatang sikdepjachina u·iatan baksa, maiba chanchichipanirangko nikgenchimode ba u·igenchimode bakan pulisrangna u·iatchina SP didiataha.