@ghdnews.in@

Tura, Dec 5, 2025: Garo Hills Autonomous District Council (GHADC)-o tangka paisarangko jakkalsretani bidingo Enforcement Directorate (ED) Shillong Sub-Zone, Bristibar salo Tura songjinmani dambonga biaprangoniko am·sandina a·bachengata.

Official-rangoni u·iatani gitade, tangka jakalsretanina matnangako man·gipa manderangara, Boston Ch Marak, Ismail Marak, Kubon Sangma aro Nikseng Sangma ong·achim. Iani bidingo ED-ni am·sandina a·bachengataniara, batanggimin 2015-16 bilsio Tribal a·jarangko namroro-silroroatna Special Assistance Grants-oniko GHADC-na chu·gimik gong kror 28.66 tangkarangko chamatahachim, uanoni kror 1-de Asanang Constituency-ko namroro-silroroatani kamrangna ong·achim.

Ma·mong sorkarini chamatgimin tangkarangoniko 60 percent-kode nangchongmotgipa kamrangko ka·gijaan Contractor Kubon Sangma aro Nikseng Sangma-na on·samsoaha. Esmail Marak, contractor Kubon Sangma-na lak 19.8-ni cheque-ko aro Nikseng Sangma-na lak 25.5-ni cheque-ko on·aha. Ua tangkarangko okani ja·mano, Kubon Sangma chu·gimik tangkarangkon, Esmail Marak-nan on·aha, apsan dake Nikseng Sangma-ba chu·gimik tangkarangkon Esmail Marak-ni jikgipa Pratibha Marak-ni Bank Account-ona watatskaha ine u·iataha.