Shillong, Nov 3, 2025: Meghalaya a·dokni skul nokrangko namdapatna gita sorkari gisiko nange kam ka·enga ine Sombar salo, a·dokni Education Minister Lahkmen Rymbui parakataha.

Meghalaya a·doko dam 15,000 skul nokrangko namdapatna gita a·dok sorkari Mission I, II aro III-na tangka paisarangko koros ka·aha aro da·o Mission IV-koba a·bachengatna miksongenga ine Education Minister parakataha.

Skul nokrangara, bi·sarangni lekka poranio nangchongmotgipa ong·a aro iako namdapatna sorkari skanggipa sorkari ja·ku de·enga. Sorkarini miksonganian, bi·sarangna a·gilsakni seng·aniko skie on·anio pilak skul nokrangko nambatatanian ong·enga, ine Rymbui aganaha.

ADB Program-ni ning·o dam 15 skulrangko man·chape gimik dam, 150 skulrangko ra·dona sorkari miksongenga aro dam 160 skul nokrangko taridapna am·enga ineba ua aganaha.

A·doko Skul nokrangko namdapatanide bon·changani dongjawa. Ian dam 100 ba dam 1000 skulrangkosan miksongenga ong·ja, indiba private, government, govt aided, deficit aro uandakgipa pilak gadangni dam 15,000 skulrangkon namdapatna miksongenga ineba Education Minister parakataha.