GHD News, Shillong, Oct 15,2025: Garo Hills Autonomous District Council (GHADC)-o kam ka·giparangni dormahako on·na gita gong kror 79.5 tangkarangko a·dok sorkari Butbar salo watataha ine a·dokni Skotong Minister Conrad K Sangma parakataha.

Iani bidingo kobor ra·timgiparangna talatangengon, GHADC-na chamatgipa gong kror 79.5-oni gong crore 68.5-de GHADC-na tikatgipa kajinaoniko on·atsoaha aro bangkikode GHADC-ni man·na nangkuenggipa kajinani tangkarang ong·a ine Skotong Minister parakataha.

Ia tangkarangko GHADC-ni Escrow Account-o chipataha aro ia tangkarangko GHADC-o kam ka·giparangni man·na nangenggipa ja 12-ni dormaharangko on·na jakkalanggen ineba Sangma parakataha.