@ghdnews.in@

Tura, Feb 11, 2026: General Administrative Department-ni a·ao songdongenggipa Tura Nikwatgre gittimni manderangna mijal February 10 tariko a·a pattarangko a·dok sorkari suale on·angaha.

Ia program-ko West Garo Hills a·jani Deputy Commissioner (Revenue), Nikwatgre Community Hall-o ong·atangaha aro ia tom·anio Skotong Minister Conrad K Sangma mongsonggipa sokgipa ong·e dongpaenba, uni jakchin a·a pattarangko suale on·angaha.
Ia tom·anio, a·jani official-rang, songsalko dilgiparang, kangal cholgrirang aro jolo songdongenggipa manderang dongpae bak ra·angaha.

Tom·anio Skotong Minister jinmana aganangengon, ia a·a pattarangko on·aniara sorkari aro songdongenggipa manderangni gisepo bakrimaniko mesokani aro ia a·a pattako on·na man·ani gimin kusi ong·a ine aganangaha.

Ia gittimo songdonggiparang a·a pattarang dongkujamiting somoiode, ua jolo donggipa manderangna dingtang dingtang neng·nikanirangko on·achim aro uamang a·a patta gri loan-rangko, sorkarini scheme-rangko aro gipin man·gnirangko man·rongjachim aro jajrengan baksa janggi tangna nangachim, indiba da·ode ia neng·nikanirang ritchenggnok ine ua aganaha.

Indake, Tura jolni gipin bakrangnaba apsan daken a·a pattarangko somoi sokjoko suale on·anggen ineba Skotong Minister parakangaha.

A·jani official-rang, ia a·a pattarangko suale on·anichi Tura-o songdonggipa manderang a·ani nokgipa ong·aniko sakki on·ani ong·aha ine Sangma agandapangaha.