@ghdnews.in@

Williamnagar, Feb 10, 2026: A·chik A·song da·alo Ku·monganiko ra·na nangengaha, maina da·al ba knal gita ong·na nangjawa.
A·chik A·songko tangchaatpilna cholko ra·na sal sokaha, maina ja·kuantian A·chik sakantinan gimaanirarasa nichokkienga.

Bak bak dakaniko chel·chakna, “Anga ku·rang on·gen, A·chik A·song ku·mongna, nangrimna, chel·chakna sal sokaha. Angko A·chik A·songna okamode, pangnan kang·kare kae, angni bil ama dipet, watgaljawa.
Sixth Schedule-ko ripingna Tribal Right-ko ma·siatna, Nokmarangni bilko bil gnangate donkamna, A·chik party GNC-o chakatenga. A·chik party GNC rang·sitna amangjaengaha, uko rang·sitpilate GNC-ko ripingna anga an·pachake chakatenga.
A·chik jatni party-ko ripingna ra·taipilna, anga baseaha. Namnikode Simsangre-o GNC-ko tangchaatna hai sakantian jak on·e apsan ku·mongna” ine Te Chibasal Lampad R.Marak mol·molataha.

“A·chik A·songoba susaani salode, jatna a·songna MP, MLA aro MDC-rang kam ka·gen ine aganna jatni dedrangko gipin jat nisigalode NGO-rangna agre ku·rang on·na neng·niktoka. Unan ka·dongna man·ja, indiba Chibasal Lampad R.Marak man·ode, gualchongmotnabe” ine Ma D Marak didiangaha.