@ghdnews.in@

Tura, Feb 7, 2026: Re·anggipa January 9 tariko Rajabala Pulis Station-ni ning·o ga·akgipa Goalgaon songo ACHIK Organization-ni member Dilseng Sangma-ko niamgri ro·ong bikotenggipa manderang ka·saninggija so·ote galani a·sel Garo Hills-o so·sojengjeng ong·engon, West Garo Hills district administration aro pulis department, tom·tomaniko ra·bana rakbee kamrangko ka·enga ine nikna gita man·enga.

Dilseng Sangma-ko rorirang ka·saninggija so·ote galanina dingtang dingtang NGO-rang aro Civil Society Organisation-rang jegale, Dilseng Sangma-na kakket bichalko on·china aro sorkarini gita gamna nanggiparangko ta·rake gamchina dabitokengani gimin, duko ga·akenggipa, Dilseng Sangma-ni nokdangni mandena, da·al February 7 tariko Tura Municipal Board (TMB)-ni CEO Pa Jude Rangku T. Sangma, an·tangan sorkarioni Lak gittam Ex-Gratia-ko ra·ange on·eaha.

Indake sianggipa nokdangona re·anganio Batabari-ni BDO Saljagringrang G. Momin aro Batabari Block President Maxwell M. Sangma baksa, songni-nokni manderang dongpae bakko ra·angaha.

Unbaksana, ia a·selni bidingo pilak dakna nanggni kamrangko sorkari ka·e on·angkugen ine Sangma jinmana ku·chake donbaaha.