@ghdnews.in@

Tura, Feb 6, 2026: Re·anggipa January 9 tariko West Garo Hills a·jani Rajabala Pulis Station-ni ning·o donggipa donggipa Goalgaon songo, Dilseng M.Sangma-ko so·otanio mongsonggipa mandeko Rajabala-ni pulisrang, Assam South Salmara a·jani Sukchar Pulis Station-ni ning·o donggipa Magurmari antioniko rim·na man·aha.

Rim·a man·gipa mandeara bilsi 47 ong·gipa Amir Hussain ong·achim ua mandeko Rajabala-ni pulisrang, Assam Pulisrangni dakchakachi rim·na man·aha.

Mini sal February 4 tarikoba Rajabala-ni pulisrang, ua a·selo jak donggipa mande saksako Bhaitbari-oniko rim·aha, ua mandeara bilsi 26 ong·gipa Anisul Sheik ong·achim.

Uamang sakgnian batanggimin salrangonin pulisrangoni kate chakengachim, indiba pulisrang, rakbee kamrangko ka·anichi ua manderangko rim·na gita man·aha.

Goalgaon songo Dilseng Sangma-ko so·otanio jak donggipa manderangko pulisrangni rim·a gimik da·o sak 10 gapaha.