@ghdnews.in@

Rongmil, Feb 5, 2026: South Garo Hills a·jao donggipa Nongalbibra aro Jadi jolrangoniko niamgri aro maming nangchongmotgipa lekkarang gri, Supreme Court-ni on·gimin niamko pe·e, koela salengani gimin, Rongmil jolni nangrimgimin NGO-rang jekai ASPF, AHAM aro GOERA, Rongmil Outpost-o badi (FIR) ka·doangaha.

NGO-rangni badi ka·anio parakatani gitade, Nongalbibra jolni koelarangko salantian truck-ni truck garirango, nangana bate gatenba, NH-62 aro NH-217 rama gita salruraenga ine truck driver saksa uamangna parake on·aha.

Indake ong·engon, koela salenggipa manderang aro truck driver-rangni kosako mokordomako segatchina, niam gri koela salenggipa pilak garirangkon rim·china aro iani bidingo ning·tue sandianiko dakenba, niam gri koela salanio jak donggipa manderangni kosako niam gita rakgipa ja·kurangko de·china, Rongmil jolni NGO-rang Rongmil Outpost-ni Officer Incharge-ko didiataha.