Tura, Nov 14,2024: Gambegre by-election tom·tome matchotangaha aro Gambegre constituency-ni manderang an·tangtangni namnikgipa candidate-na vote sikdepani Budbar attam 6 bajio matchotaha. Gambegre constituency-ni ning·o donggipa dam 51 Polling Station-rango pu·onani gimik 90.84% gapaha.

Gambegre bye-election-na pu·onaniko Budbar pringni 7 bajio a·bachengaton, bang·a songni manderang, an·tangtangni gital MLA-ko seokna gisiko nangbee vote-rangko sikdepna polling station-rango riting riting dake chadengtokaha aro ia chango manderang gisiko nangbate bak ra·antokaha.

Gambegre constituency-ni gitcham MLA Saleng A Sangma, ia bilsio Tura Lok Sabha seatna MP seokako man·e, MLA-ko watna nangahani gimin ia by-election-ko ong·atna gita nangaha.

Gambegre constituency-ni dam 51 polling station-rango sak 32,000-na baten voter-rang gnang aro ia by-election-o sakdok candidate-rang susaangaha.

Gambegre constituency-ni dam 51 polling station-rango sak 32,000-na baten voter-rang donga aro ia bye-election-o sakdok candidate-rang susaangaha.

Ua sak 6 candidate-rangara, Meghalaya a·dokni Skotong Minister Conrad K Sangma-ni jikgipa aro NPP-ni candidate Dr Mehtab Chandee A Sangma, gitcham Cabinet Minister Zenith Sangma-ni jikgipa aro TMC-ni candidate Sadhiarani M Sangma, BJP-ni candidate Bernard N Marak, INC-ni candidate Jingjang M Marak aro Independent candidate sakgni, Sengkrabirth M. Marak aro Jerry A Sangma.

Ia by-election-o pu·onani a·bachengachibara adita electronic voting machine (EVM) aro Voter Verifiable Paper Audit Trail (VVPAT)-rang nosto ong·ana agrede, salgimikan maming neng·nikani gri bye-election-ko tom·tome matchotatna man·aha.

Gambegre constituency-ni 21-Marapara aro 50-Upper Darenggre polling station-rango VVPAT-rang kam ka·jahaoba ta·raken, VVPAT-rangko te·ksrena man·aha aro apsan daken 39-Rongkon Songgital polling station-oba VVPAT-ko te·ksrena nangaha. 51-Dilnidura polling station-oba EVM kam ka·jahani gimin ta·raken, EVM-ko te·ksrena nangaha aro 2-Aminda Simsang-oba CU, BU aro VVPAT-ko te·ksrena nangaha.

Indake, Gambegre by-election-ni vote-rangko re·baenggipa November 23 tariko changen aro apsan salon result-koba parakatgen ine Meghalaya-ni Chief Election Commissioner (CEC) parakataha.