@ghdnews.in@

Shillong, Jan 28, 2026: Meghalaya a·dokni Cabinet Minister aro Williamnagar-ni MLA Marcuise N Marak, A·chik a·songo songdongenggipa A·chikrangko a·jatangoni katchina, ISIS-K bobil dolni ka·mimikennataniko raken jegalatenba,
iani bidingo West Garo Hills a·jani District Administration koborko man·soaha aro iano jak donggipa manderangni kosako raka ja·kuko de·anggen ine parakataha.

Ua saksa A·chik jatni dilgipa ong·pae, iandakgipa kamrangko a·dok chigatango A·chikrangni tom·tome songdongenganiko a·dok chigatangoni katchina ka·mikkenataniko raken jegalata. Meghalaya a·dok pangnan tom·tomaniko rakkigipa, mande ra·grikgipa aro jatska jatgipin baksa ku·mong nangrime janggi tanggipa ong·a ine Marak aganaha.

Iandake ka·mikkennatanirang ong·oba, jajrengjachina, so·sojengjeng ong·jachina, ku·mong nangrime aro mikkrake dongchina aro manderangko niam bidiko pangchake kam ka·enggipa dolrango ka·dongchina ua sakantikon mol·molataha.