@ghdnews.in@

Williamnagar, Dec 2, 2025: East Garo Hills a·jani Songsak Block-ni ning·o ga·akgipa Nangapa Bajaro, Helping Hands International Ministries (HHIM), Drugs ba pekgipa ringanirangko jakkalani bidingo Awareness Program-ko ong·ate, pekgipa ringanirangko jakkalanichi, mai namgijani ong·achim agan-talate on·angaha.

HHIM-ni Director A·chik A·songo Drugs ba pekgipa ringanirangko jakkalanirang batroroengani gimin, maidakode, drugs jakkalaniko komiatna ba bon·atna man·gen, A·chik chadamerangni ong·sianganiko nike, uarangko namatna raken kamko ka·enga, ine u·iataha.

Koborni gitade, HHIM-ni Director, A·chik a·songni dingtang dingtang bajar antirangona aro dingtang dingtang songrangona re·roroe, Drugs jakkalani bidingo agantalataniko aro mikkrakataniko dakenga. Unbaksana A·chik a·songo drugs jakkalgipa manderangna Counselling-ko on·na gita, North Garo Hills-o Rehabilitation Centre-ko kulina am·enga ineba u·iataha.

Uni nambegipa kamrangna A·chik a·songni manderang, una chakpaaniko on·na aro support ka·na nangchongmota.

Helping Hands International Ministries (HHIM)-ni Office-ko North Garo Hills a·jani Mendipathar,
New Do·meanti-o donga. Uni gimin saoba uamangni chu·gimik dakchakaniko ra·na sikgenchimode, ia
phone no. 7630095416-o call ka·e sing·atna man·gen.