@ghdnews.in@

Raksamgre, Nov 10, 2025: Re·baenggipa 2026 bilsio ong·atenggipa Garo Hills Autonomous District Council (GHADC) Election-o, Raksamgre Constituency-oni susana sienggipa, Sengkan A Sangma, November 9 tarik Robibar Salo an·tangna chakpaenggipa hajal manderang baksa tom·aniko ong·atangaha.

Sengkan A Sangma re·baenggipa bilsio skanggipa District Council Election -o susaengon, Congress Party-oni susana gita party ticket-na dorgastoko on·aha.

Uandake, Raksamgre Constituency-ni ning·o donggipa bang·a manderang uni noko tom·aniko ong·atenba, uko party ticket man·jaoba, Independent Candidate ong·e susachina songni nokni manderang didiangtokaha.

Sengkan Sangma-ni GHDC Election-o susana miksonganiara, A·chik jatna kakket ong·e dangdikna miksonganio re·chakatani ong·enga aro B-Mahal jolo ong·enggipa obostarangko namdapatna gita susaenga” ine Sengkan A Sangma parakataha.

Uni miksonge re·mikkanganina jolni manderang kakket ong·e bakrimenba, uko election-o cheatna Raksamgre jolni manderang tom·anio bak ra·na re·batokaha aro ticket man·jageoba, uko Independent candidate ong·e susachina bang·a songni nokni manderangan didiangaha.