Tura, Nov 21, 2026: Re·anggipa November 2 tariko Tura Civil Hospital-o North Garo Hills-oni diaphragmatic hernia saenggipa mandeko skanggipa changna rate sananiko dakaha. Ia sabisi mandeni ok, bibikrang aro bika-rang ka·bak aro ok-ko bak dake rakkigipa diaphragm-ko oe chelona doata aro ian mandeko ok saani aro rang·sitanio neng·nikaniko on·a.
General and Paediatric Surgery Specialist Dr. Lee Rozer Ch. Marak ia rate sananiko dakdilaha. Anaesthesia on·gipa dol Dr. Stevie Jaseng N. Sangma, Dr. Nagha D. Marak aro postgraduate trainee Dr. Ruchi D. Momin-ba iako rate sananio dakchakpaaha.
Nurse-rangoni Sheila K. Sangma aro Pattiasa D. Marak, Technician Ibanylla Diengdoh aro Pyndap Tang baksa iano bak man·paha. Ia rate sanako man·gipa saa nampilenba November 17 tariko hospital-oni joke nokona re·angpilaha. Ia chu·sokgipa rate sanani ba surgery ka·aniko Tura Civil Hospital-o da·ode, iandake neng·nikgiparangko rate sananiko dakna man·aha aro iandakgipa saanirangko sana gita Garo Hills-ni a·palchi re·angna nanganiko komiatna man·gnok ine parakaha.

