Tura, May 27, 2025: Re·anggipa May 24 tariko All Garo Chambugong Mahari Association aro All Garo Hills Te·giti Mahari Association dolgnini dilgiparang, Bensing Ch. Marak-ni noko tom·e chanchirimaniko dakenba, Social Media-o Brilly June-ni Facebook Page-o dolgni mahariko chonnike, Post ka·gipani bidingo sandianiko dake, raka ja·kurangko de·angna tik ka·aha.

Uni (Brilly June) Social Media-o Post ka·gipa kattarangara, “Most Cheater in the world is Chambugong Mahari” aro “India Vs Pakistan dakgrikoba Chambugongming Te·gitikosa gochengbochim ia ge·gni maharikode nidika”, ine mahari dolgniko chonnikanina raka ja·kuko de·na tik ka·aha.

Skanggipa, Brilly June an·tangni real identity ba chong·motko parake kema bi·na nanga. An·tangni ku·rangchin Social Media gitan, kema bi·na nanggen ine dolgni maharirang dabiangaha.

Gnigipa, iako Social Media News Chanel-rango parakatani salsnini gisepo kema bi·ani dongjaode, uni kosako mahari dolgni niamo pangchake dal·a action-ko ra·gen, ine parakataha.

Iani bidingo mahari dolgnini dilgiparang, tom·e chanchirimanio All Garo HIlls Chambugong Mahari Association-ni President Bensing Ch. Marak, Secretary
Nollingstone K. Marak. All Garo Hills Te·gite Mahari Association-ni Secretary Apsalun Ch. Sangma, President Karbenson T.Sangma aro Executive Member Anielberth Ch Marak, bak ra·angaha.