Baghmara, Nov 21, 2026: Baghmara MePDCL Power Distribution Sub Division-ni Assistant Executive Engineer, South Garo Hills-o songdongenggipa pilak current ba bijoli jakkalenggipa manderangna (consumer) ba nokdangrangna aro Nokma-Sanirangna see u·iataha.

Manderang jemangan an·tangtangni current ba bijolini bill-rangko somoi gita gamjaengachim, somoi gita bill-rangko game jakkalpachina mol·molataha.

Unbaksana jemangni current bill-rangan gong 20,000-na batahachim, uamang 40%-ko game jakkalpachina, Engineer didiataha.
Jedakode uamangni current ba bijoli jakkalaniko disconnect ka·na ba aksote galna nangjana gita, sakantinan mikkrakataniko on·ataha.

Indake ong·engon, jemangan, MePDCL Department-o ba MePDCL-o register ka·gija ba deposit ka·gija niamgri bijoli sringe jakkalako rim·a man·ode, India Sorkarini dongimin niam gita, Indian Electricity Act, 2003-ni Section 135-o pangchake, fine ba daiko gamna nanggen ine u·iataha.

Uni gimin, niamgri bijoliko sringe ba kadingdee jakkalengachim, uamangna mikkrakataniko on·atjolaha.

Uni gimin, manderang department-ni office-ona re·ange, niam gita deposit ka·e ba register ka·e bijoliko jakkalpachina Assistant Executive Engineer, manderangko mol·molataha.