​Baghmara, Oct 30, 2026: United Garo Peoples’ Movement Organization (UGPMO) H.Q Baghmara, South Garo Hills-o songdongenggipa manderangna jaanti bijolini bill-rangko nangana batpile, rang·san tang·dopretatani gimin, South Garo Hills a·jani Deputy Commissioner (DC)-ko gronge badi ka·doangaha.

“Chinga United Garo People’s Movement Organization (UGPMO), bijolini bill-rangko meter reading-o pangchakgija, rang·san tang·doprete sokenga aro jasana bate bate batroroenga. Re·anggipa
​August jao gong 795
​September jao gong 9,357 aro ​October jao gong 10,389-ona tang·dodatataha” ine UGPMO parakataha.

​Indake, jasana bate bate bijolini bill-rang sokaniara, Baghmara town-osan ong·aija, indiba South Garo Hills a·ja gimikon, bang·a nokdangrangnan tik ong·gija sokenga. Uandake, jolni manderangna neng·nikaniko ra·baenga.

​Uni gimin, “Chinga UGPMO-ni dilgiparang South Garo Hills-ni Deputy Commissioner-ko gronge, MeECL deparment-ni official-rang baksa agangrike, ia neng·nikanirangko ta·raken nirokatchina aro manderangna tik ong·e bill-rangko watpilchina chinga Deputy Commissioner-ko mol·molaha” ineba UGPMO u·iataha.

Deputy Commissioner, ia neng·nikaniko ta·raken nirokatgen aro bijoliko chalaienggipa MeECL department baksa kamrangko ka·e namatna jotton ka·gen ine DC ku·chakataha.