Williamnagar, August 9, 2026:Meghalaya Boxing Association (MBA)-ni August 5 tarikoni 7 tarikona Williamnagar-o ong·atanggipa, State Boxing Championship, 2026-o West Garo Hills District Boxing Association-ni chadamberang gisiko nangbee bakko ra·anichi aro, uamangni namgipa bewalko ja·rike kal·susaanichi gold medal ge 1, silver ge 2, bronze ge 4, chu·gimik ge 7 medal-rangko man·aha.

Ia kal·susaanio sakanti boxer-an ka·donge aro mande ra·e, an·tangtangni changa sapaniko mesokanichi, West Garo Hills-na mikkim rasongko ra·baha. Ia chu·sokaniara rasong dakna ong·ja, indiba gisiko nange namgipa bewalo chakchike kal·susaanichi, pangnan darangba tang·onaniko man·jaha.

Ia State Boxing Championship, 2026-o kal·susae medal man·giparangara Balnas A.Sangma gold medal, Garyzim M.Sangma silver, Bansaltesh R.Marak silver, Lasbath Marak bronze, Dimchang R.Marak bronze, Baron Changrik Ch.Sangma bronze aro Victor Chuangte K.Marak bronze medal-ko man·aha.