Baghmara, April 5, 2026: South Garo Hills a·jani District Selection Committee (DSC)-ni Lower Division Assistant (LDA) kamna gital manderangko seokanio kakket ong·ja aro niam gita man·na kragipa candidate-rangko seokja ine matnangenba, South Garo Hills a·jani Deputy Commissioner aro DSC-ni Chairman aro Secretary-na lekka sedoate, Computer Typing Test-ko porikka ra·susapiltaina mol·molataha.

Gital seoka man·gipa candidate-rangoni mitamde name pass ka·gipa ong·ja ine matnangatenba, Te. Jhonprizebirth M. Sangma, jean DSC porikkao Roll No. 1463 ong·achim, porikkao name chu·sokataha ine parakatenba, porikka ra·piltaichina dabiataha.

Uni seatgipa chittio, janapani gitade, South Garo Hills a·jani District Selection Committee-ni member-rang, Hilmen G. Momin, Racha N. Marak aro Tengra M. Marak-mangko biming mingatenba, LDA kamna seokako man·gipa candidate-rang baksa Typing Test-ko ra·susapiltaina ra·biataha.

Gital seoka man·gipa candidate-rangoni jeba Te. Jhonprizebirth Sangma-na bate computer typing test-o nambate chu·sokna man·jaode, ua candidate-ko merit list-oniko biming den·galchina, indiba Te Jhonprizebirth Sangma seoka man·gipa candidate-rangna bate computer typing test-o komie man·skaode, Authority-ni nangnika gita je sastikoba on·china dabie, re·baenggipa April 8 tarik Butbar salo seoka man·gimin candidate-rang baksa computer typing test-ko ra·susana mol·molataha.