Shillong, August 20, 2026: Khasi Students’ Union (KSU)-ni ming bonga dabianirangko chu·sokatjaengani gimin, Butbar salo black flag ba ba·ra gisimko ra·bite bike rally-ko ka·engmitting somoio so·sojengjeng ong·e, ro·ongrangko goanichi bol 31 sorkari aro private garirangko nosto ka·ani ja·man, sakgittam KSU dilgiparangko rim·na jotton ka·ani a·sel Butbar walo pulisrang baksa Jaiaw-o donggipa KSU Office-o nanggrikna a·bachengaha.

Indake so·sojengjeng ong·aniko ta·raken namatpilna man·ahani gimin, a·dokni Skotong Minister Conrad K Sangma aro Deputy Skotong Minister Sniawbhalang Dhar-ko Mawkhar-Pynthorumkhrah-ni MDC aro Khasi Hills Autonomous District Council (KHADC)-ni Chairman Strong Pillar Kharjana, Skotong Minister aro Deputy Skotong Minister-ni ta·rake ja·ku de·anichi, so·sojengjeng ong·anirang batroroaniko champengna man·ahanina mittelpilangaha.

Budbar salo, KSU-ni bike rally-ko ong·atmiting somoio so·sojengjeng ong·ani ja·man pulisrang, KSU-ni dilgiparangko rim·na, Jaiaw-o donggipa KSU Office-ona re·angahani gimin pulisrang baksa KSU member-rangni gisepo bilongbee nanggrikna a·bachengaha.

KSU baksa nanggrikmiting somoio pulisrang, KSU Office-ko tear gas-rangchi godapatahani a·sel KSU Office sambao donggipa adita nokrang nosto ka·ako man·aha.

Indake Shillong songjinmao so·sojengjeng ong·miting somoio KHADC-ni Chairman Kharjana an·tangan, Skotong Minister aro Deputy Skotong Minister-na phone ka·ate, so·sojengjeng obosta ong·ani bidingo u·iatani, bakan Skotong Minister aro Deputy Skotong Minister, ta·raken so·sojengjeng ong·aniko namatna ja·ku de·aha ine parakataha.

Uandake so·sojengjeng ong·ani bidingo Shillong Pulis, KSU-ni President Raymond Kharjana, Vice President Pynkmenlang Sanmiet aro General Secretary Rueben Najiar-ko Khyndailad-o donggipa City Hut Dhaba sambaoniko rim·aha aro uamangko Bristibar pringon, Shillong District & Session Court-o mikkang pa·ataha aro uamang sakgittamko sal 14-na Judicial Custody-o donataha.