Resubelpara, Dec 9, 2024: National Highway (NH-51) sorokoni North Garo Hills a·jao donggipa Damebibra gita Raja A·pal songona re·gipa mongsonggipa ramao donggipa bolni dollong, Medu A·pal songo nosto ong·ani a·sel jolni manderang gari re·na man·jahani gimin, bilsini dal·batgipa Krismas salko manina gita dingtang dingtang nanga kamrangna re·ruraanio namen neng·nikaniko man·tokenga ine songni mande saksa u·iataha.

Koborna u·iatani gitade, Raja A·pal jolni ramarangko tarigija galchipe donengani a·sel songni manderang neng·nikaniko chagrongna nangtokenga. Ia mongsonggipa ramani dollongrangko manderangni namgnina RCC dollong rike on·na nangchongmota ine Raja A·pal jolni dilgipa saksa Nicholas Sangma, North Garo Hills a·jani bil gnanggipa manderangko ta·rake tarie on·pachina mol·molataha.