New Delhi, May 9,2025: Butbar pringwalni 1:40 bajimango India Armed Forces-rang, Pakistan Occupied Kashmir-o bobilrangni ma·chakenggipa biaprangko chadrapahaoba, Pakistan military-ni biapkode nosto ka·jaha.

Defence Ministry-ni parakatani gitade, Indiani “Operation Sindoor”-ko a·bachengatenba, Pakistan Occupied Kashmir-o bobilrangni ma·chakenggipa Muridke, Bahawalpur, Kotli aro Muzaffarabad biaprangko chadrapaha.

Indian Armed Forces-rangni Pakistan-ona napange, chadrapeani gimin, Pakistan Army Line of Control-o donggipa Indiani songrangko bilakgipa silchidarerangchi chadrapskaha.
Indian Armed Forces-rangni “Operation Sindoor”-ko a·bachengatanio, bobil dolni dilgipa Skotong Jaish-e-Mohammad-ni nodangni sak 10 manderang so·otako man·aha, ine Jaish-e-Mohammad-ni jonggipa Azhar Masood ku·rachakaha.

Songbad ge·sao parakani gitade,

“Angni dedrang sakbongako man·chape, angni abigipa aro uni segipa, angni gritang, uni jikgipa, angni namchiktang aro angni ripeng gitcham Hazifa uni ma·gipa aro gipin sakgni ripengrang gimik sak 10 nokdangni manderangko so·otaha” ine Masood aganaha.

Indiani Prime Minister Narendra Modi, dos grigipa manderangko nisan ka·e, chadrapaha ine Masood matnangaha.

“Anga aganna changpilgija duk ong·aha, indiba kema bi·ja aro kenba kenja. Da·alo janggi on·chakgipa sak 14, Allah-ona re·anggiparang baksa angkoba rim·chapchina anga Allah-o bi·enga”, ine Masood aganaha.

“Da·alo mande so·otanichi chingni miksonganiko bon·chongdikatjawa. Indian-ni manderang chingoniko mamingkoba ka·sachakaniko man·gen ine ka·dongnabe” ine JeM-ni Skotong aganaha.

Ga·akgimin, Subhanullah Mosque-o so·otanirang, bon·kamaode, Indiani manderangon ga·akgen, jekon uamang mikkangchi gualna man·jawa” ine Masood ka·mikkenataha.

Pakistan-ni bilakgipa silchidarechi chadrapanio Jammu aro Kashmir-ni Poonch a·jao sak 13 manderang so·otako man·aha aro sak 38 gipinrang saknaako man·aha.

Pakistan Army bilakgipa silchidarerangchi Kashmir A·kaweni Uri, Karnah aro Jammu a·jani Poonch aro Rajouri-o donggiparangko chadrapskaha.

Jammu aro Kashmir-ni Lt Governor Manoj Sinha, ua obostarangni bidingo LoC-ona re·ange chanchirimaniko dakenba, kenna nanggipa biaprango donggipa manderangko naljokgipa biaprangona rimongkatangchina gita district administration-ko ge·etaha.

Indian Air Force, Srinagar Airport-ko jako ra·e, Civilian Flights ba sildorengrangko May 10 tarikona dondipataha.(IANS).