Vatican, May 9, 2025: A·gilsak gimikni Catholic Mondoli-rangko re·dilna gital Pope-ko seokaha ine mesokani chin gita, Sistine Chapel Chimney-oni wal·ku gipok ong·kataha. Uni miksongara sak 133 Conclave-o bak ra·gipa Cardinal-rangoni 89 vote-rangko man·e, chegipa ong·aha aro Pope Francis-ni palo ja·chongriknagipako seokaha.
Bang·a manderang St. Peter’s Square-oni ong·kate kusi ong·tokaha. Indiba Pope-ni bimingkode ja·manosa parakataha, jensalo cardinal-rang Latin kattachi, “Habemus Papam” ine agansruktokengachim, uni miksongara, loggia St. Peter’s Basillica-oniko “Chinga Pope-ko man·aha”.
Uni ja·mano cardinal chegipani atchiako Latin ku·sikchi mingataha aro bimingko parakataha. Indake gital Pope manderangona ong·katbaaha aro apsan loggia-oni gita pattianiko on·angaha.
Cardinal Robert Prevost, saksa an·tangni janggi tanganio Missionary-na on·kange, Peru aro Vatican-ni bilakgipa Bishop office-ko chalaiengachim. Uan bilsi 2,000-ni history-o Catholic Mondolini skanggipa American Pope ong·chengaha. Bilsi 69 ong·gipa Prevost, “Leo XIV” ine bimingko ra·aha. Ua Pope ong·e, uni skanggipa kattao indake aganaha, “Tom·tomani na·simang baksa ong·china”, ine tom·tomani message-ko on·angaha aro “kenani dongja” ingipa kattako aganangaha.
Uko loggia-oni St. Peter’s Basillica-ni history-o skanggipa American Pope-na okamaha. Ua Augustinian-ni Priest ba Kamal ong·achim, indiba da·ode, ua pilak Christian-rangni kosako aro pilak Bishop-rangni kosako, ong·skaha. “So we can all walk together”, “An·ching pilakan apsan ong·e re·gen” ine ua aganaha.
Ua bang·a bilsirangna Missionary-o kamko ka·aha aro Peru, Chiclay-ni Archbishop-ba ong·achim.
