Tura,, April 20, 2025: Meghalaya Assembly-ni warachakenggipa dolni dilgipa Dr. Mukul M.Sangma-ni atchiani bilsi 60 gapaniko Robibar salo nokdangni manderang, party-ni dilgiparang aro Mondolini dilgiparang baksa kusi ong·e maniangaha.
Dr. Sangma an·tangni atchinamsal salko maniengon, Tura Civil Hospital aro Tura Maternity & Child Hospital-o sae dongenggipa manderangna dingtangmancha bite aro cha·anirangko on·ataha.
Dr. Mukul Sangma-ni sagiparangna ka·sae, on·atgipa biterang aro cha·anirangko TMC-ni chadamberangko dilgipa Richard M.Marak, Saljagringrang R.Marak aro gipin TMC-ni dilgiparang, hospital-ona ra·ange on·eaha.
Dr. Mukul Sangma, jat aro a·songna dangdike on·na an·tangko on·kange, politics-ni a·bao napchengaonin, da·alona kingkingba maming dingtangani grian manderangna dangdike on·enga. Ua batanggipa 2010 bilsio Meghalaya a·dokni Skotong Minister ong·chengaha aro uni ja·mank 2013 biloni 2018 bilsiona Skotong Minister ong·angaha. Ua an·tangni namgipa gunrangko jakkale jat aro a·songko re·dilanio darangba uni kosako susagipa candidate-rang MLA chena aro uko ga·akatna man·kuja. Dr. Sangma saksa Meghalaya a·doko niksenggipa Senior Politician ong·a. Ua saksa niksamsoe kam ka·na changgipa aro mikkim gnanggipa dilgipa ong·a, uni kam ka·anirang pangnaba rongdimelkuja.
Ua da·o warachakenggipa dolni dilgipa ong·e kamrangko ka·engon, sorkariko chalaienggipa dolko jat aro a·songni silroro namroroanina kamrangko chu·sokate on·china sorkariko didienga.
