Tura, Oct 18, 2026: Garo Hills-ni Do·po Chrarang skanggipa changna October 17 tarik Sonibar salo Solace Resort-o tom·e chanchirimaniko dakenba, mikkangchi maidake ma·a-noarangko, mahari ma·drangrangko nirok simsakgen, A·chik jatni niam retirango pangchake aro dakbewalrangko ripingna man·gen, ia miksonganio ja·ku de·angna, “Do·po Chra Association” (DCA)-ko bikotaha.

Do·po Chrarangni daksogimin agendarang gita tom·anio Pa Chakseng Do·po Sangma biapko ra·e tom·aniko dilangaha. Rimchaksoani katta aro Keynote Address-ko Bestone Do·po Sangma aganangaha.

Indake tom·anio Isol-ni kattarang aro kan·dikgipa talataniko Hawakhana Baptist Mondolini gitcham Pamong Rev. Frithing Do·po Sangma on·angaskaha.

Do·po Chra Association (DCA)-ko bimang ong·atna chanchirimanio mongsongipa chanchianirangko dakdilna gita Pa Chakseng Do·po Sangma-ko tom·ani Padot seokaha. Uni ja·mano Minute Record-na Vilfredo Do·po Sangma-ko donatskaha.

Tom·ani ba Meetingni Padot Pa Chakseng Do·po Sangma, tom·aniko dilangaha aro ku·cholsan chanchirime miksonganirangko chu·sokatna tik ka·aha.

Skanga, Do·po Chra Association (DCA)-ko kulina ra·chakani ja·mano, Office-Bearer-rangkoba seokangjolaha aro Association-ni Central Body-koba bikotaha. Indake, Pa Chakseng Do·po Sangma-ko President-na, Pa Lindias Do·po Sangma-ko General Secretary-na, Te Lenient Do·po Sangma-ko Treasurer-na, Pa Vilfredo Do·po Sangma-ko Accountant-na seokaha aro District Wise Organizing Secretary-rangkoba seokangjolaha.

Seoka man·gipa Organizing Secretary-rangara West Garo Hills-ni Dr Challanga Do·po Sangma aro Senggra Do·po Sangma (Rimrangpara). South West Garo Hills-ni Balson Do·po Sangma (Aruagre Kalaichor) aro Pangsrang Do·po Sangma (Dorambok). North Garo Hills-ni Johnsing Do·po Sangma (Dainadubi) aro Pangrak Do·po Sangma (North Garo Hills). South Garo Hills-ni Dilarson Do·po Sangma (Rongara) aro Bhowmick Do·po Sangma (Rongara)-oni ong·a.

Uandake Association-ni Legal Adviser-rangara Te Kevin Do·po Sangma (Lawyer) ba Ukil (West Garo Hills)-oni Te Joe Rogan Do·po Sangma Ukil (West Garo Hills)-oni aro Pa Arpas Do·po Sangma Retired Inspector, North Garo Hills-oni ong·a.

Una agreba Pa Chagnan Do·po Sangma, jatni dakebewal rikbewako u·igipa aro Hawakhana Baptist Mondolini Retired Pamong Rev. Frithing Do·po Sangma aro Chief Adviser-na Pa Bestone Do·po Sangma-ko seokaha.

Association-ni Padot-ko dakchakna gita, Pa Saiyangto D·po Sangma-ko Vice President-na aro Pa Jonja Do·po Sangma baksana Pa Ningra Do·po Sangma-ko Joint Secretary-na seokangskaha.

Una agreba Dr Challanga Do·po Sangma-ko Chief Organizer-na, Pa Sengding Do·po Sangma aro Pa Ardy Do·po Sangma-ko Publicity Secretary-na seokangskaha.

Association-ni Executive Member-rangara Pa Oshok Do·po Sangma, Dr Chuangchu Do·po Sangma, Pa Lastobirth Do·po Sangma, Pa Antus Do·po Sangma, Pa Satjan Do·po Sangma, Pa Christnear Do·po Sangma, Pa Dolrich Do·po Sangma, Golding Do·po Sangma (Purakhasia), Cilnton Do·po (Makalgochu), Pa Rakesh Do·po Sangma, Pa Blane Do·po Sangma (Kerapara), Pa Raksil Do·po Sangma (Dalu).

Indake, DCA -ko bikotani ja·man, Executive Committee-rangni Term-koba bilsi 3-na donaha. Uni gisepon Executive Committee Member-rangko namnikuenga ong-ode, uamangko term bon·ani ja·manba, dilgipani kamo donangpilna man·gen ine parakataha.

Association-ni dilgiparang adita tom·e chanchirimani ja·mano Tura-ko Association-ni Head Quarter donaha. Uandake Association-ni Logo-koba Do·poni bimang aro Milam Sepiko donna tik ka·angaha. Unbaksana MOTO-koba tarina Executive Committee-na pakwatangaha.

Association-ni Nisan ba Flag-ko tarina gitaba tik ka-angaha aro maikai Nisan-ko tarina nanga Executive Committee-na pakwatangaha. Uni ja·mano 2027 bilsio Association-ni gnigipa to·bimonganiko Kherapara aro Rimrangpara jolo ong·atna tik ka·e donangaha aro tom·bimonganiko October jaon ong·atna gitaba DCA tik ka·angaha.

Association-ni gita kal·susaanirang chong·motan, Sports aro Cultural program-rangko ong·atna Executive Committee tik ka-aha aro Association-ni Constitution Drafting Committee-ko songna, Executive Committee, dilgiparangko seokgen ine parakataha.

Indake Do·po Chrarangni tom·e chanchirima matchotani ja·man, mittelpilskaani kattarangko, Pa Challanga Do·po Sangma agane, ua an·tangan Isol-ko mittele aro Isolo bi·e to·maniko matchotataha.