@ghdnews.in@

Bajengdoba, Jan 8, 2026: Education Department-ni January 2 tariko je Notification-ko MBOSE-ni Executive Chairman-na on·atahachim, iani bidingo dol gittam NGO-rang jekai FAF, Matgrik Do·mesal aro AYWO Bajengdoba Unit raken jegalataha.

NGO-rangni parakatani gitade, Education Department-ni Notification, Pre-Primary Class-oni XII Class-ona on·gipa Syllabus, Curriculum aro Text book-rangko, Directorate of Educational Research and Training (DERT)-ni gitasa chu·gimik bil gnange kamrangko ka·na gita on·ahani gimin,y Meghalaya Board of School Education (MBOSE), Act 1973-ni Section 12 (I)-o on·gimin niamrang donggenchimoba, ia niamrang namen dingtanggrikani aro jajaani ong·enga ine NGO-rang jegalatenba, iani bidingo ta·rake nirokataniko dakpachina a·dokni Skotong Minister-ko didiataha.