@ghdnews.in@

Tura, Dec 10, 2025: South Garo Hills a·jao donggipa Chokpot Civil Sub-Division-ni ning·o gital rikenggipa Sangknigre RCC dollongni pakmako rong·chunrangko jakkalenga ine Chokpot jolni nangrimgimin NGO-rang matnangatenba, ia pakmako rikanio rong·chunko jakkalaniara mikkangchi kenchakna nangani ong·enga ine parakataha.

NGO-rangni parakatani gitade, iandakgipa dollongni pakmarangko rikanio pangnan bainagipa ro·ongrangkosa jakkalachim, indiba Sangknigre RCC dollongko rikenggipa pakmarangna rong·chunrangko jakkalaniara, mikkangchi ia dolong be·grunaba donga ine kenchakani ong·enga.

Ia dollongni pakmarangko rong·chunrangchi rikaniara tangka paisa jakkalsretaniko mesokani ong·enga aro ian manderangna kenchakaniko ra·baenga ineba NGO-rang matnangataha.

Ia Sangknigre RCC dollongara, jolo songdongenggipa manderangni ru·uta somoirangna ka·donge nichakenggipa dollong ong·achim. Ia dollongko baikamna gita namgipa ro·ongrangchi rikchina NGO-rang didiataha.

Ia dollongni pakmarangko rikaniko ta·raken name rikpiltaichina didiatenba, ia pakmako rikanio rong·chunrangchi pal nambata bosturangko jakkalskachina NGO-rang dabiataha.

Ia dabianiko knachakjagenchimode, mikkangchiba uamang kamrangko name nirikkiangkugen ineba Chokpot jolni NGO-rang parakataha.