dalsengagitoksangma15
Shillong, Oct 14, 2026: Garo Hills Autonomous District Council (GHADC)-ni term ba somoiko changsataie da·o jadokna ra·dodaptaiahani gimin, election-ko ong·atgija donchipenga ine dingtang dingtang dolrang matnangtokengon, GHADC constituency-rangni simarangko gital dake salpiltaina aro GHADC-na dingtang electoral roll-ko tarina nagkuenggipa kamrang matchotkujaengani giminsa, GHADC-ni term-ko jadokna ra·dodaptaina nangaha ine Monggolbar salo, a·dokni Skotong Minister Conrad K Sangma talataniko on·ataha.
“GHADC election-ko ong·atgija donchipna chingo maming miksonganirang dongja aro chinga batanggimin chango jadokna ra·dodapgipa somoi matchota bakan election-ko ong·atna miksongani dongachim,” ine Sangma aganaha.
GHADC-ni constituency-rangko gital dake sualpiltaiani aro dingtang electoral roll-ko tariani kamrang matchotkujaengani giminsa sorkari, GHADC-ni term-ko jadokna ra·dodapataha ineba Skotong Minister aganaha.
“Constituency-rangni simarangko salpiltaiani kamrang matchotkujaskal, election-ko ong·atna man·jawa aro dingtang electoral roll-ko taria matchotkujaskal, constituency-rangni simarangko salpiltaiani kamrangba matchotna man·kujawa,” ine Sangma aganaha.
Constituency-rangko gital dake salpiltaiani gimin, dingtang electoral roll-ko tarina Governor-ni ra·chakaniko nangchenga aro uni ja·mansa bon·kamgipa kamrangko ka·na man·aha ine Skotong Minister parakataha.
GHADC-na dingtang electoral roll-ko tarina a·bachengahani gimin, jadokni gisepon kamrangko matchotatna sorkari ka·dongenga ineba ua aganaha.
“Chinga election-ko ong·atninggija donna miksonganirang dongja aro man·a dipetde election-ko ta·raken ong·atna miksonganirang dongachim,” ine Sangma aganaha.
Re·anggipa March jao GHADC-ni term-ko jadokna ra·dodapataoni da·o October 17 tarikon bon·engahani gimin GHADC-ni term-ko ra·dodapgija, joljol election-ko ong·atchina Garo Hills-ni dingtang dingtang dolrang dabitokgenchimoba kamrang matchotgija election-ko ong·atna man·jawa ine Sangma parakataha.
Da·o changsatai GHADC-ni term-ko jadokna ra·dodapatahani gimin, GHADC election-ko re·baenggipa 2027 bilsini April 17 tarik ja·mansa ong·atna man·gnok ineba parakataha.
