Shillong, Sep 23, 2026: United Democratic Party (UDP)-ni sak 8 MLA-rang, Bharatiya Janata Party (BJP) dolo napangaha. Da·ode, Meghalaya Legislative Assembly-o BJP MLA-rang sak 2-oni sak 10-ona tang·doangaha.

UDP-ni sak 8 MLA-rang, jekai Cabinet Minister Lahkmen Rymbui, Pius Marwein, Kyrmen Shylla, Mayralborn Syiem, Matthew Kurbah, Ollan Singh Suin, Balajied Kupar Synrem aro Synshar Lyngdoh Thabah, Butbar salo New Delhi-ona re·ange, BJP dolo napangaha aro uamangko Union Minister Kiren Rijiju, BJP-ni National Spokesperson Sambit Patra aro gipin dilgiparang, BJP dolona rimchaksoaha.

Koborani gitade, a·doko koelarangko bikotpiltaina, Khasi ku·sikko Constitution-ni 8-gipa Schedule-o napatchina aro a·dokni gipin nanganirangko chu·sokatchina dabie UDP-ni sak 8 MLA-rang, batanggimin salrangon, BJP dolni dilgiparang baksa agangrikani ja·man da·o ua MLA-rang, BJP-o napangaha.

Ua sak 8 MLA-rang, BJP-o napangahani gimin, Meghalaya Assembly-o BJP-ni MLA-rang sak 10-ona bariangaha, indiba UDP-ni MLA-rang da·o sak 4-san dongaiaha.

BJP-o napangani bidingo Meghalaya-ni Cabinet Minister Lahkmen Rymbui, talatengon, uamangni BJP dolo napanganiara tanggitik napanga ong·ja, indiba a·dokni nanganirangko chu·sokatchina gita, BJP-ni dilgiparang baksa chanchirimani ja·mansa uamang, BJP dolo napna tik ka·aha ine parakataha.