Shillong, August 25, 2026: Re·anggipa August 19 tariko KSU-ni ong·atanggipa black flag bike rally-o so·sojengjeng ong·anio jak donggipa KSU-ni sakgipin member-ko Meghalaya Pulis, August 24 tarik Sombar salo rim·dapaha. Ua a·sel ong·anio mongsongbate, Assam-o register ka·gipa garirangko chadrape nosto ka·ahachim.

Rim·a man·gipa member-ara KSU-ni Assistant Organising Secretary Jeremiah Pohthmi-ko Nongmensong joloniko rim·aha, ine East Khasi Hills, a·jani Superintendent of Pulis (SP) Vivek Syiem kobor ra·timgiparangna aganaha.

Pohthmi-ko court-ona watataha, jedakode pulisrang uko custody-o done sing·sandianiko dakna nangnikengkua ineba SP aganaha.