Shillong, August 20, 2026:: Budbar salo, Khasi Students’ Union (KSU), Main Secretariat Office mikkango ming 5 dabianirangna maming ja·kurangko de·kujaengani gimin, sorkariko matnange lekka paltakrangko kadee jegalaniko dakangaha.

Pulisrang adita dikdiksani gisepon lekka paltakrangko ra·gale galani ja·mano, Secretariat Office-ni wilwilao chel·chakgipa dolrangko bariataha. Jaiaw-o KSU-ni black flag ba ba·ra gisimko ra·bite bike rally ka·na manchisogiminko dakna skang ia jegalaniko dakataha.

KSU-ni General Secretary Rueben Najiar, uamangni dabianio, re·anggipa July 31 tariko East Jaintia Hills-o Shree Cement-ni bidingo jinmana knaataniko dontongatanio jak donggipa official-rangni kosako niam gita, ja·ku de·an baksana ILP-ko ra·gatkuja dipet, Meghalaya Residents Safety and Security Act, 2016-ko chu·gimik a·bachengate on·china dabianiko man·chape aganangaha.

Unbaksana KSU, Migrant Workman Act, 2020-ko a·bachengate on·ani bidingo, NEIGRIHMS-o kamna ra·ani niamrangko dingtangatani bidingo Khasi, Jaintia aro A·chikrangna biaprangko a·kangan baksana sorkarini Grade B, C aro D kamrangna interview ra·aniko ra·galchina nangnike dabiangaha.

Uandake KSU-ni dabianirango, campaign ka·anirango aro tom·bimonganirango manderang jinma chakpaaniko on·china didiataha.