Tura, May 10, 2025: South Garo Hills aro South West Garo Hills, a·jani District Administration-rang, bobil dolrang, badingsrukgiparang aro gipin namgijagipa manderangni napsrukbaaniko champengsona gita Indo-Bangladesh sima ari jolrango BNSS-ni Section 163-o pangchake, night curfew ba walo re·rura·aniko walni 8 bajioni pring 6 bajiona champengataha. Ian a·song damgnini gisepo donggipa sima arioni meter 500 mang ong·gipa biapona nangchakegen.

South Garo Hills aro South West Garo Hills, a·jani Deputy Commissioner-rangni ia ge·etaniko on·aniara, sima ari jolo naljokaniko on·na aro tom·tomaniko rakkina miksongani ong·a. Ua sima arirangara fencing ba guari kadula dongjani gimin, walni somoio niamgri napsrukbagiparangna altubegipa chol ong·achim.

Ia curfew ba champengataniko dakanichi, India a·songona niamgri napsrukbaaniko champengna nangenga. Bebe gita denggu manderang silchidarerang ba kengnigipa bosturangko ra·bita ong·ode, sima ari sepango sak 5-na bate manderangko dongna on·jawa. Unbaksana champengatgimin bosturanga jekai matchurang, guerang, ta·makkurang, na·tokrang, ran·gipa bijakrang aro gipin bosturangko badingsrukna man·jawa.

Iandakgiparangko champengna man·ja ong·ode, ian South Garo Hills aro South West Garo Hills a·jarangosan ong·aigija, a·dokni ba a·songni pilak biaprangon tom·tomaniko nosto ka·ank ong·gen, ine official-rangna mikrakkataniko on·ataha.

Iana agre gital ge·etani dongkuja dipet walo re·a doaniko champengatani ong·angkuaigen, ineba parakataha.