Tura, May 12, 2025:West Garo Hills a·jani ning·o donggipa, Selsella jolni Civil Society Organization (CSO)-rang Balalgre jolo donggipa manderangko mongmarangni chadrape saknaatengani gimin, pangkamgipa Wildlife post-ko donchina, Wildlife Divisional Forest Officer (DFO)-na lekka sedoataha.

DFO-ona seatgipa chittio CSO-rangni janapatani gitade, re·anggips May 8 tariko songni mande saksa an·tangni cashew nut bagano kam ka·engmitting somoi pringni 7 bajimango kanamgijagipa
mongma uko chadrapaha. Chadrapa man-gipa mande bilongen saknaako man-e jokkom ong-aha.

Ua biapara mongmarangni batsotronggipa rama ong·achim aro ua biap gitan gisepo mongmarang batsotrongachim. Bang·bata somoion, mongmarang ua biap gita re-engani gimin uamang, Wildlife office-na 2023 bilsion janapahachim, ine CSO-rang gisik ra-ataiaha aro ua biapo Wildlife post-ni gita chel·chakaniko on·china ja ku de·china didiataha.

Iani bidingo maming ja·ku de-aniko daka
dongkuja, ine parakatenba, a-selo ga·akgipa mandena dakchakaniko on-na gita department maming dakchakataniko man-soa dongjani gimin CSO-rang suk ong·gijaniko parakataha.

“Mongmarangni re-aniko nirokna Selsella Balalgre-o Wildlife forest guard-ko donkamchina aro ua biapni manderangko chel-chakchina chinga bilaken dabienga. A selo ga·akgipa mandena tangka paisachi dakchakaniko on-china department-ko Selsela jolni CSO-rang mol·molangaha”.