New Delhi, May 13,2025: Indiani Prime Minister Narendra Modi Sombar salo Defence Minister Rajnath Singh aro External Affairs Minister S.Jaishankar, India aro Pakistan-ni mongsonggipa dilgiparang chong·motan Directors General of Military Operations (DGMO) baksa High Level Meeting-ko ong·ate, agan golpogrikdilangaha.
Tom·anio NSA Ajit Doval, Defence-ni dal·batgipa Skotong Staff General Anil Chauhan aro pilak dolgittam Service-ni Skotongrang bak ra·angtokaha.
A·songni Prime Minister Narendra Modi ia obostani bidingo chotchanggijan, chubata gadango kamrangko ka·enggipa Sorkarini Top officer-rang aro a·songni sipairang baksa tom·anirangko ong·ate, April 22 tariko Pahalgam-o chadrapani bidingo namedake nirok simsakaniko dakna gita agan ku·pattianiko on·angaha.
A·song damgnini gisepo dakgrikengon, India aro Pakistan Sonibar salo tom·tomaniko ra·bapilna miksonge a·a gita, kosak gita aro sagal gita gogrikanirangko aro sipairangchi chadrapanirangko ta·raken dontongataha. Indiba a·song damgnini dal·batgipa Directors General of Military Operations (DGMOs)-ni level-o India aro Pakistan Sombar salo tom·e agangrikanirangko dakangaha.
