New Delhi, Feb 20,2025:Bilsi 27-ni ja·man BJP, Delhi Assembly Election-o chee, single majority-ko man·aha aro ia bilsini Delhi Assembly Election-o BJP ge 48 seat-rangko cheaha. Indake dam 70 donggipa Delhi Assembly Constituency-o sorkariko rikna sak 36 MLA-rangni majority-kosan nangachim, indiba BJP ge 48 seat-rangko chee, Delhi-o sorkariko rikna man·aha aro Delhi Assembly Election-o Ma·ambiko tariaha.
Batanggipa bilsi 10 mangna Arvind Kejriwal-ni Skotong ong·e dilenggipa, Aam Admi Party (AAP) Delhi-ko sason ka·angaha. Indiba ia bilsini Delhi Assembly Election-o AAP ge 22 seat-rangkosan man·rikaiaha aro sorkariko rikna majority chu·ongjaha. Indake, sak 48 BJP MLA-rang February 19 tariko tom·aniko ong·ate, Shalimar Bagh Constituency-ni MLA Rekha Gutpa-ko Delhi-ni Skotong Minister-na seokaha. Rekha Gupta, Shalimar Bagh-ni skanggipa BJP MLA ong·achim. BJP MLA-rang India a·songni Skotong Songjinma New Delhi-o tom·e chanchirimani ja·man, BJP dol gital seoka man·gipa BJP MLA Rekha Gupta-ko Delhi-ni gital Skotong Minister-na biming mingaha.
BJP dilgipa Rekha Gupta, Delhi-ni brigipa me·chik Skotong Minister ong·aha. Ua (Rekha) February 20 tarik Bristibar salo Delhi-ni Skotong Minister-na ku·mikchetanggen.
