Guwahati, May 10, 2025: Da·o India baksa Pakistan dakgrikani ong·engon, maini gimin India, Pakistan dakgrikengachim, uko ma·sigija Indiani a·jao dongeba aro Indiani mande ong·pileba, Pakistan a·songna chake, a·songtangko chonnikgiparang, a·jatangon dongaia.

Indake ong·engon, Assam-ni sakgni manderang, Abubin Miraj Uddin Sheik aro Aro Arif Rahman minggipa Pakistan a·songna chakenba, facebook-o video tarie wataha. Abubin Miraj Uddin Sheikh, minggipa Assam a·dokni Alomganj-oni aro sakgipinara Puber Gaon minggipa songoni ong·achim. Uamang sakgni Pakistan a·songna chake video tarienba facebook-o watahani gimin Sukrobar salo pulisrang rim·aha.

“Uamangni video tarie facebook-o watgiminrangko chinga namedake am·sandie niaha. Bang·a manderangan uamangni tarigimin video-ko Social Media-rango watpriprae giproroataha. Uamangni daka kamrang a·songna aro a·songni manderangna namgijani aro gisik saataniko ra·bahani gimin, aro chanchigija kamrangko ka·ahani gimin, niam gita uamang bichalo chadengna nanggen” ine pulis official aganaha.