Dainadubi, May 8, 2025: A·chik Dedicated Integrity Leaders (ADIL) Dainadubi Regional Unit, North Garo Hills a·jani Dainadubi jolrango donggipa bang·a songrangan, JJM-ni chiko man·jaengani gimin, Resubelpara PHE Division-ni Executive Engineer-na badi ka·e, lekka sedoatahachim, indiba maming ja·ku de·aniko dakkuja ine parakataha.

JJM Scheme-ni chiko man·kugijagiparangara Sarangma,
New Sarangma, Depa Garat, Dangkong Rabha,
Dangkong Garo aro Chima A·pal songrango JJM-ni chiko man·srangkuja ine ADIL Dainadubi Regional Unit-ni President Selbistone Momin parakataha.

Iani bidingo Mediani gita parakatengon, bil gnanggipa Minister aro Department-ni officer-rang niksoenba, manderangni namgnina ta·rake nirokatchina, ADIL Dainadubi Regional Unit, mol·molataha.

“Chinga bebe ra·a, ia neng·nikanirango mediani gita parakatanichi dakchakaniko man·gen aro songni manderang JJM-ni chirangko man·chongmotgen” ine ka·donganiko Momin parakataha.