Lahore, May 25, 2025: Sonibar salo Pakistan-ni Punjab Province-o donggipa adita bakrangon bilakgipa mikka balwa baksa stil ondapanichi komibeoba sak 8 manderang siaha aro gipin sak 45 manderang saknaako man·aha, ine NET songbad-o parakaha.

Ua obostani bidingo, Provincial Disaster Management Authority-ni parakani gitade, bang·a nokrang be·dapani a·sel manderang maming naljokaniko man·jae siaha, ine aganaha. Punjab Province-ni skotong Lahare-o bang·a bolrang aro solar panel-rang nosto ong·tokaha.

Re·anggipa antio, Pakistan-ni adita bakrangon dondikgija mikka balwa rakangaha. Indake mkkarang jimbee waangan baksa balwa ta·rakani a·sel songjinmani bang·a dingtang dingtang bakrango bolrang aro pakmarang be·grope nosto ong·atako man·aha ineba parakaha.