Tura, Sept 7, 2024: Me·chik bi·sa saksani kragijagipa noksako video ka·e, Social Mediarango watpriprae, me·chikrangko kratcha·atgipa manderangni kosako Tura-ni Social Activist Jaynie N.Sangma, South Garo Hills a·jani Pulisna badi (FIR) ka·doangaha.
Ia obosta banomancha ong·aha, namedake ma·sina man·kujaoba, ia video-ko dolsa panterang, me·chik bi·sa saksako kragija kal·ake roako aro uni chola ba·ra gri ong·aniko video ka·e, social mediarango wataniko nikna man·aha.
Ia me·chik bi·sani kragijagipa noksarangko video ka·e, social mediarango wate kratcha·atahani gimin, Jaynie Sangma Bharatiya Nyaya Sanhita (BNS)-ni section 77, 2023 R/W 66E aro IT Act, 2000-ni 67A-ni ning·o pangchake badi (FIR) ka·doangaha.
Ia me·chik bi·sako kragija kal·akenba video ka·e, social mediarango watahani gimin, dos dakgipa manderangni kosako BNS 2023-ni ning·o kragipa section-rango pangchake, rakgipa sastirangko on·china Social Activist dabiangaha.
