Shillong, March 31, 2026:: East Khasi Hills a·jani Protection of Children from Sexual Offences (POCSO), Act Court-ni Special Judge, M.K. Lyngdoh, bilsi sokkugijagipa an·tangni me·chik bi·sako kragija til·ekdragipa pagipako bilsi 30-na pattoko donataha.

Court-ni rai on·anio pangchake, demechikrangko kragija kal·akgipa, Plen Mawlong-ko bilsi 29, ja 8, sal 27 pattoko donna gita raiko on·aha, maina ua bichal ka·miting somoio, jagittam aro salgittam, Judicial Custody-o dongmanahachim. Dosi dakgipa Lyngdoh, Court-ni ge·etgimin gita, dai gamna man·jaode, gipin jagittamna pattoko dongdapna nanggen.

Court, ia bilsi ua mandeko Section 506 Para II IPC-ni ning·o siaonaba kenchakani donga aro me·chik bi·sani namgipa cholon bewalko nosto ka·ani gimin, gipin bilsisni (7)-na pattoko donna rai on·dapaha. Uni gisepon ua dai gamna man·jaode, dos dakgipa Lyngdoh, gipin jagittamna pattoko dongna nanggen.

Indake namgija pap ka·gipa mandeni kosako 2013 bilsini December 16 tariko, Mawsynram Pulis Station-o Section 5 (l) (n)/6 POCSO Act-ni ning·o badi (FIR) ka·ahachim. Ia mamlako Women Pulis B.M. Marak, jean da·o Shillong Crime Branch-o kam ka·engachim, ua am·sandianiko dakaha.

Indake ia mokordomani Charge-Sheet-ko 2014 bilsini February 26 tariko Court-na on·aha.