New Delhi, May 13,2025: “Operation Sindoor” ine bimingko done, Indiani sipairang bobil dolrangko warachakna aro so·otna kam ka·anio chu·sokaniara, me·chikni bil gnanganiko mesokaha, uni gimin Pakistan pangnan mikrake dongchina, India a·songni Prime Minister Narendra Modi rakgipa message-ko on·ataha.

Bobil dolrangni dos gri manderangko skatang so·ote galaniara gisik griani kam ong·a. Indiani sipairang uamangni kosako a·jak sokna bang·e somaiko nangjaha. Bobil dolrangko chadrapanio Indiani sipairang ka·dongbee an·tangtangko a·songna on·kanggiparang ong·a ine Modi delmittele aganaha. Bobil dolrang Indian me·chikrangni mikkingo tokgipa Sindoor-ko ripakgalna jotton ka·achim, indiba uamangna ong·na amgijaha, ineba ua aganaha.

Pakistan a·songo bobil dolrangko jildame, uamangna dakchakenga ine chinga namen u·ia. Operation Sindoor-ko a·bachengatanichi sak 100-na baten bobil dolrangko nisie galna man·aha. Pakistan-ni bobil dolrang uamangni namgijagipa aro ka·sachakani grigipa kamni kri biteko man·aha, uamang dontongjaode, mikkangchi una bateba a·jak sokaniko man·angkugen ine Modi parakataha.